Դելոյթի մասին

Դելոյթը Հայաստանում

Վստահություն ապագային

Դելոյթ ԱՊՀ-ն Հայաստանում ներկայացնում է «ԴելոյթԱրմենիա» ՓԲԸ-ն: Մենք ձեռք ենք բերել լավագույն գործատուներից մեկը լինելու համբավը՝ շնորհիվ նորարարական մոտեցման և անձնակազմի զարգացման տարաբնույթ ծրագրերի: Մենք ջանք չենք խնայում մեր հաճախորդների և աշխատակիցների հաջողությանը և առաջընթացին նպաստելու ուղղությամբ:

Թեև Դելոյթը Հայաաստանի շուկա է մուտք գործել միայն 2012-ի վերջում, սակայն առ այսօր այն արդեն հասցրել է ձևավորել հաճախորդների մի զգալի բազա, որը բաղկացած է տարբեր ոլորտները ներկայացնող առաջատար կազմակերպություններից, այդ թվում՝ ֆինանսական ոլորտ, հանքարդյունաբերություն, ակտիվների կառավարում իրականացնող ընկերություններ, ներդրումային ֆոնդեր, արտադրական, ՏՏ և հեռահաղորդակցության ոլորտի ձեռնարկություններ, հիմնադրամներ և այլն:

Մեր թիմը նպատակ ունի նորանոր ոլորտներ յուրացնել և գործընկերային հարաբերություններ ստեղծել ոլորտի տարբեր առաջատար կազմակերպությունների հետ, դրանով իսկ նոր մոտեցումներ ձևավորել և հաջողության նոր ուղիներ որոնել:  Սա նշանակում է՝ առաջնահերթ և բարձրորակ ծառայություն հաճախորդին: 

«Դելոյթ Արմենիա» ՓԲԸ-ն Դելոյթ ԱՊՀ Հոլդինգս Լիմիթեդի (“Դելոյթ ԱՊՀ”),  մասն է կազմում, որը DTTL անդամ ընկերությունն է ԱՊՀ-ում: Դելոյթը Հայաստանում տրամադրում է աուդիտորական, հարկային, խորհրդատվական և ֆինանսական խորհրդատվական ծառայություններ հանրային և մասնավոր հաճախորդներին՝ տարբեր տնտեսության ճյուղերում 11 ԱՊՀ երկրների, Վրաստանի և Ուկրաինայի ավելի քան 2,500 մասնագետների միջոցով   

ԱՊՀ-ում Դելոյթը ներկայացված է Ռուսաստանում (Մոսկվա, Սանկտ-Պետերբուրգ, Ուֆա, Եկատերինբուրգ և Յուժնո-Սախալինսկ),  Ուկրաինայում  (Կիև), Բելառուսում,  (Մինսկ), Վրաստանում  (Թբիլիսի),  Հայաստանում (Երևան),  Ադրբեջանում (Բաքու),Ղազախստանում (Ակտաու, Ալմաթի, Աստանա, Աթիրաու),  Ղրղզստանում   (Բիշկեկ),  Ուզբեկստանում (Տաշքենդ),  Տաջիկստանում (Դուշանբե)  և  Թուրքմենստանում (Աշխաբադ):

Անդամ ընկերությունների համաշխարհային ցանցի միջոցով Դելոյթը ավելի քան 150 երկրում համախմբում է իր կարողությունները և տեղական փորձը՝ ի նպաստ իր հաճախորդների հաջողության, անկախ գործունեության վայրից:

Ովքեր ենք մենք

Did you find this useful?

Related topics