Aviakosmik və Hərbi Sənaye üzrə Qlobal Proqnozlar (2014)

Aviakosmik və Hərbi Sənaye üzrə Qlobal Proqnozlar (2014): Əsas nəticələr

• 2014-cü ildə Aviakosmik və Hərbi Sənaye üçün ümumilikdə 5 faiz həcmində gəlir artımı gözlənilir.

• Hərb sənayesi şirkətləri üçün qlobal gəlirlərdə mənfi dinamika müşahidə edilir – 2012-ci ildə 1.3 faiz, 2011-ci ildə isə 1.9 faiz azalma baş vermişdir. 2013-cü ildə belə şirkətlər üçün qlobal gəlirlərin son iki ildə müşahidə edilən səviyyədə, təxminən mənfi 2.5 faiz həcmində olacağı gözlənilir.

• Dünya üzrə hərbi xərclərin həcmi İraq və Əfqanıstanda silahlı qarşıdurmaların zəifləməsi və hərbi baxımdan fəal olan bir çox dövlətlərin maliyyə problemləri səbəbindən azalmaqdadır. Lakin dünyanın müəyyən bölgələrində, xüsusilə Yaxın Şərq, Hindistan, Çin, Rusiya, Cənubi Koreya, Braziliya və Yaponiyada isə hərbi xərclər artmaqdadır.

• 2014-cü ildə kommersiya məqsədli aviakosmik subsektorda ikiqat artımın olacağı gözlənilir.

İnfoqrafiki buradan yükləyə bilərsiniz.

Aviakosmik və Hərbi Sənaye üzrə Qlobal Proqnozlara dair mətbuat yayımı (2014)

Deloitte-in hesabatına görə 2014-cü ildə aviakosmik və hərbi sənayedə 5 faiz artımın olacağı, texnoloji yeniliklərin isə üstünlük təşkil edəcəyi gözlənilir.

Hesabatda hərbi xərclərin azalmasına və kommersiya məqsədli aviakosmik sahədə istehsalın rekord göstəricilərinə dair icmal təqdim olunur.