2021 Women @ Work   

Samkvæmt nýrri könnun Deloitte, 2021 Women @ Work, hefur aukið vinnuálag og ábyrgð heima fyrir í heimsfaraldri kórónuveirunnar COVID-19 haft afdrifarík áhrif á konur á vinnumarkaði.

Þátttakendur í könnuninni voru um 5.000 konur í 10 löndum; Ástralíu, Bandaríkjunum, Brasilíu, Englandi, Indlandi, Japan, Kanada, Kína, Suður-Afríku og Þýskalandi.

Helstu niðurstöður

Andleg heilsa versnar: Aukið álag og ábyrgð í vinnu og heima fyrir

• 77% þátttakenda segja að vinnuálag hafi aukist síðan heimsfaraldur kórónuveiru skall á
• 59% þátttakenda segja að álag heima fyrir hafi aukist í faraldrinum
• Aðeins um þriðjungur segir að andleg heilsa þeirra sé „góð“ eða „mjög góð“, samanborið við 68% fyrir COVID-19

Vandamál í fyrirtækjamenningu: Konur halda áfram að upplifa áreiti

• Rúmlega helmingur þátttakenda hefur upplifað áreiti í vinnu síðastliðið ár
• Ein af hverjum 10 konum segist hafa fengið neikvæðar athugasemdir frá samstarfsfélögum um þjóðerni sitt
• Fáar konur tilkynna áreiti á vinnustað; fjórðungur segir það vegna þess að þær óttist áhrif þess á starfsferil sinn

Konur íhuga að hætta á vinnumarkaði: Atvinnurekendur sýna starfsfólki ekki nægan stuðning

• Stór meirihluti þátttakenda hefur uppi áætlanir um að hætta á núverandi vinnustað innan tveggja ára; um fjórðungur að hætta alfarið á vinnumarkaði
• 22% þátttakenda segja að atvinnurekandi hafi lagt sigt fram við að starfsfólk fyndi jafnvægi milli vinnu og einkalífs í heimsfaraldrinum

Betra starfsumhverfi: Leiðtogar sem einblína á jafnrétti kynjanna

• Aðeins 4% þátttakenda segja að jafnrétti kynjanna sé áhersla hjá sínum atvinnurekanda
• 72% af fyrrnefndum segja starfsánægju „góða“ eða „mjög góða“