Fréttatilkynningar

Nýir sviðsstjórar hjá Deloitte

Nýir sviðsstjórar styðja við markaðssókn og frekari tæknivæðingu

Kópavogur, 31. ágúst 2020

Þann 1. september næstkomandi eiga sér stað nokkrar breytingar á stjórnendateymi Deloitte. 

Sunna Dóra Einarsdóttir nýr sviðsstjóri Viðskiptalausna

Sunna Dóra Einarsdóttir mun taka við hlutverki sviðsstjóra Viðskiptalausna af Jónasi Gesti Jónassyni, sem mun taka við sem stjórnarformaður Deloitte. Sunna Dóra er einnig fjármálastjóri Deloitte og hefur undanfarin ár starfað sem meðeigandi innan Viðskiptalausna.

Haraldur Ingi Birgisson nýr sviðsstjóri Skatta- og lögfræðiráðgafjar

Haraldur Ingi Birgisson mun taka við sem sviðsstjóri Skatta- og lögfræðiráðgjafar af Bjarna Þór Bjarnasyni, sem mun stýra lykil þjónustulínum á sviðinu og leiða stærri verkefni fyrir viðskiptavini Deloitte. Haraldur er einnig forstöðumaður viðskipta- og markaðstengsla og hefur jafnframt verið meðeigandi innan Skatta- og lögfræðiráðgjafar.

Jón Eyfjörð Friðriksson nýr sviðsstjóri Consulting

Jón Eyfjörð Friðriksson mun taka við hlutverki sviðsstjóra Upplýsingatækniráðgjafar af Björgvin Inga Ólafssyni, sem mun leiða teymi stefnumótunar og rekstrarráðgjafar innan Fjármálaráðgjafar Deloitte. Jón Eyfjörð hefur starfað sem meðeigandi á sviðinu frá árinu 2016.

Unnið að markmiðum fjögurra ára stefnu Deloitte

Ég er afskaplega ánægður að fá Sunnu, Harald og Jón í þessi hlutverk, en þau hafa öll mikla innsýn í starfsemi Deloitte og skýra sýn á það hvernig við tökum nýja 4ja ára stefnu félagsins áfram. Sú stefna snertir alla anga félagsins en markast öðru fremur af enn frekari markaðssókn og tæknivæðingu. Skarpari áherslur innan Fjármálaráðgjafar og Upplýsingatækniráðgjafar falla jafnframt mjög vel að því. Jónas, Bjarni og Björgvin hafa unnið mikið og gott starf á undanförnum árum og ég hlakka til að vinna áfram með þeim að því að þjónusta okkar öflugu viðskiptavini í nýjum hlutverkum þeirra innan Deloitte,

segir Þorsteinn Pétur Guðjónsson, forstjóri Deloitte á Íslandi.

Did you find this useful?