Lausnir

Milliverðlagning

Transfer Pricing

Armslengdarreglan er viðurkennd í flestum ríkjum og felur í sér að fyrirtæki ákveði verð í tengdum viðskiptum á sama hátt og ótengd fyrirtæki hefðu ákveðið verð sín á milli undir sambærilegum kringumstæðum. Á grundvelli milliverðlagningarreglna er skattyfirvöldum heimilt að gera leiðréttingar á skattskilum tengdra aðila þegar verðlagning í viðskiptum þeirra eru frábrugðin því sem ætla mætti að hefði verið í sambærilegum viðskiptum milli ótengdra aðila.

Við aðstoðum fyrirtæki við að auka yfirsýn yfir viðskipti milli tengdra aðila og að greina milliverðlagsgrundvöll þeirra í formi milliverðlagsskýrslna í samræmi við íslensk lög og leiðbeiningar OECD. Þá veitum við almenna ráðgjöf í tengslum við viðskipti milli tengdra aðila til að auka skilvirkni og vissu um að fyrirkomulag tengdra viðskipta sé lögum samkvæmt.

Sérþekking Deloitte felst m.a. í eftirfarandi:

  • Greiningu á hvort fyrirtæki falli undir regluverkið.
  • Ráðgjöf í tengslum við stefnumótun og áætlanagerð á þessu sviði.
  • Ráðgjöf í tengslum við endurskipulagningu og áhrif á milliverðlagningu.
  • Útbúa skýrslur á sviði milliverðlagningar, sem skattyfirvöld geta kallað eftir.
  • Útbúa samanburðarskýrslur (benchmarking) til að greina armslengd viðskipta. 
  • Aðstoð við gerð eyðublaða (4.28 og 4.30) í tengslum við framtalsskil.
  • Aðstoð við samskipti við skattyfirvöld og úrlausn ágreinings.
  • Aðstoð við umsóknir um bindandi álit og sambærileg mál.

Dæmi um fyrirtæki sem þurfa að huga að milliverðlagsmálum:

  • Fyrirtæki sem eiga í viðskiptum við erlenda tengda aðila, móður-, dóttur- eða systurfélög, og vilja skjala verðlagningu þeirra viðskipta.
  • Fyrirtæki vilja afla sér upplýsinga um sambærileg viðskipti með þjónustu, vörur, óefnislegar eignir eða fjármögnun.
  • Viðskiptin varða tilfærslu á óefnislegum eignum milli landa og fyrirtæki vilja skrá þau viðskipti og fá mat á virði þeirra.
  • Fyrirtæki eru að kaupa félög erlendis eða í endurskipulagningarferli og vilja greina hvort að milliverðlagning sé í ágætu horfi.
  • Skattyfirvöld óska eftir upplýsingum um fyrirkomulag milliverðlagning, sem er gjarnan undanfari endurákvörðunar á skattstofnum.

Hafðu samband við sérfræðinga okkar á sviði milliverðlagningar:

Haraldur I. Birgisson

Haraldur I. Birgisson

Forstöðumaður Viðskipta-og markaðstengsla

Haraldur I. Birgisson er lögfræðingur frá Háskólanum í Reykjavík og hóf störf hjá Deloitte í byrjun árs 2014. Hann er einn af meðeigendum Deloitte og er forstöðumaður Viðskipta- og markaðstengsla ásam... Meira