თბილისის საინვესტიციო პოტენციალის სექტორული კვლევა

კვლევის შედეგები ქ. თბილისის მერმა - კახა კალაძემ, მერიის ეკონომიკური განვითარების საქალაქო სამსახურის უფროსმა - ანდრია ბასილაიამ და დელოიტის სტრატეგიისა და საოპერაციო საქმიანობის დეპარტამენტის მენეჯერმა ანტონ ორლოვსკიმ წარმოადგინეს.

სასტუმრო რედისონში ორგანიზებულ კონფერენციას 150-ზე მეტი ადამიანი ესწრებოდა. კვლევა მოიცავს თბილისის მიმდინარე ეკონომიკურ მიმოხილვას, არსებული სექტორების შეფასებას, საინვესტიციოდ პრიორიტეტული სექტორების იდენტიფიცირებასა და ანალიზს. კვლევის მიხედვით, პრიორიტეტი მიენიჭა სტუმარ-მასპინძლობის, ჯანდაცვის, გართობისა და ვაჭრობის, ფარმაცევტულ და კრეატიულ სექტორებს. პრეზენტაციის მსვლელობისას მონაწილეებმა განიხილეს მთავარი სექტორები ინვესტიციების და ახალი პროექტების მოსაზიდად და ასევე, დეტალური რეკომენდაციები ინვესტორებისა და თბილისის მერიის სამომავლო თანამშრომლობისთვის.

კითხვა-პასუხის სესიის დროს მონაწილეებმა განიხილეს ასევე ეკონომიკის სხვა სექტორები და ინფრასტრუქტურის, განათლებისა და სტრატეგიული გეგმის მნიშვნელობა მათი განვითარებისათვის.