Դելոյթը ներկայացնում է Եվրոպայի, Մերձավոր Արևելքի և Աֆրիկայի 2015թ. Technology Fast500TM վարկանիշային ցանկը

3 դեկտեմբերի, 2015թ. — Նիդեռլանդական կազմակերպությունը գլխավորում է Եվրոպայի, Մերձավոր Արևելքի և Աֆրիկայի երկրներում բարձր տեխնոլոգիաների ոլորտում 500 ամենաարագ զարգացող կազմակերպությունների ցանկը,  որն արդեն 15-րդ անգամ ներկայացնում է «Դելոյթ Թուշ Թոմացու Լիմիթեդ» ընկերությունը («Դելոյթ Գլոբալ»): «Դելոյթ Գլոբալ»-ի տեխնոլոգիաների, ԶԼՄ-ների և հեռահաղորդակցության ոլորտը սպաասարկող խմբի կողմից մշակված այս ցանկում առաջին հորիզոնականն է զբաղեցնում նիդեռլանդական Catawiki առցանց աճուրդի հարթակը: Ընդհանուր առմամբ, տվյալ տարածաշրջանի՝ ծրագրին մասնակցած 20 կազմակերպությունների հասույթի միջին աճը 1,012%:

«Եվրոպայի, Մերձավոր Արևելքի և Աֆրիկայի երկրներում բարձր տեխնոլոգիաների ոլորտում 500 ամենաարագ զարգացող կազմակերպությունների վարկանիշային ցանկում դիրք զբաղեցնելը տպավորիչ ձեռքբերում է, սակայն հատկապես ոգեշնչող են այս տարվա աճի տեմպի ցուցանիշերը: Այս ծրագրերը  Եվրոպայի, Մերձավոր Արևելքի և Աֆրիկայի, ԱՄՆ-ի և Ասիայի և Խաղաղօվկիանոսյան տարածաշրջանի երկրների կտրվածքով առավել համահունչ դարձնելու համար աճի ցուցանիշերը այժմ հաշվարկվում են ոչ թե հինգ, այլ չորս տարվա համար, ինչով էլ պայմանավորված է 2014 թ. 1,711% միջին ցուցանիշի անկումը, որը 2015 թ. կազմել է 1,012%, - ասում է Դեվիդ Քոբը, գործընկերը Դելոյթի ՄԹ գրասենյակից, ով պատասխանատու է Եվրոպայի, Մերձավոր Արևելքի և Աֆրիկայի երկրներում բարձր տեխնոլոգիաների ոլորտում 500 ամենաարագ զարգացող կազմակերպությունների վարկանիշային ցանկի համար: «Ես կցանկանայի շնորհավորել մեր վարկանիշային ցանկի առաջատարին, Catawiki ընկերությանը, որը, այնուամենայնիվ կարողացել է գրանցել  տպավորիչ 45,080% աճ: Այս արդյունքները ընդգծում են բարձր տեխնոլոգիաների ոլորտի առավելությունը և կայուն զարգացումը այս տարածաշրջանում, որտեղ արդեն բացահայտ կերպով ի հայտ են գալիս  ոլորտի ապագա առաջատարները»:

Դելոյթի «Technology Fast 500 ^TM» ծրագիրը ամեն տարի մշակում է բարձր տեխնոլոգիաների ոլորտում գործող ամենաարագ զարգացող պետական և մասնավոր հատվածի կազմակերպությունների վարկանիշային ցանկը:  Այս տարի ծրագրի անցկացման չափանիշները փոփոխության են ենթարկվել՝ նպատակ ունենալով ծրագրի անցկացման պայմանները համահունչ դարձնել Եվրոպայի, Մերձավոր Արևելքի և Աֆրիկայի, ԱՄՆ և Ասիայի և Խաղաղօվկիանոսյան տարածաշրջանի երկրների համար: Այժմ եկամտի աճի ցուցանիշները հաշվարկվում են ոչ թե ինչպես  նախկինում՝ վերջին հինգ, այլ չորս տարիների համար: Ծրագրին այս տարի մասնակցում են նաև կազմակերպություններ, որոնք իրենց գործունեությունը ծավալում են ծրագրային ապահովման, համակարգիչային տեխնիկական սպասարկման, հաղորդակցության, ԶԼՄ, կենսագիտության  և էկոլոգիապես մաքուր տեխնոլոգիաների ոլորտներում:

2008 թվականին հիմնված Catawiki ընկերությունը, իրենից ներկայացնում է առցանց աճուրդի հարթակ, որտեղ ամեն շաբաթ իրականացվում է ավելի քան 100 աճուրդ 80 տարբեր կատեգորիաներով, ներառյալ դասական մեքենաներ, կոլեկցիոն քարտեր և կինոարտադրության ոլորտի հուշաիրեր: Catawiki ընկերությունը գրանցել է եկամտի տպավորիչ 45,080% աճ նախորդ 4  տարիների ընթացքում. ընկերության կազմում աշխատող մասնագիտացված աճուրդավարները ամեն ամիս համակարգում են 12 միլիոն հաճախորդների կողմից իրականացվող կոլեկցիոն իրերի առցանց առք ու վաճառքը : «Մենք դինամիկ և բացկազմակերպություն ենք, իրական «սկսնակ» ընկերության հատկանիշներով»,- ասում է Catawiki ընկերության գլխավոր տնօրեն և համահիմնադիր Ռենե Շոնմեյքերսը: «Մեր սրընթաց աճով մենք պարտական ենք մեր 300 տաղանդաշատ աշխատակիցներին: Նրանցից յուրաքանչյուրն օժտված է յուրահատուկ հատկանիշներով, որոնք կարողանում է գործադրել ի օգուտ թիմի: Մենք գտնում ենք, որ ամբողջ խնդիրը ճիշտ կադրերի ներգրավման մեջ է: Մոտ ապագայում պլանավորում ենք տարբեր երկրներից ներգրավել ևս 100 որակյալ ծրագրավորողների Ամստերդամում աշխատելու համար: Մենք մտադիր ենք շարունակաբար բարելավել կայքը և ծրագրերը  , որպեսզի հատուկ առարկաներ գնահատող մեր հաճախորդների համար ստեղծենք ավելի հարմարավետ առքուվաճառքի հարթակ:

Վարկանիշային ցանկի աշխարհագրական բաշխվածությունը

Ֆրանսիան արդեն հինգերորդ տարին անընդմեջ գլխավորում է ցուցակը վարկանիշային ցանկում հայտնվող կազմակերպությունների քանակով: Հնգյակը համալրում են նույն երկրները, ինչ 2014թ.՝ Մեծ Բրիտանիան, Նորվեգիան, Նիդեռլանդները և Շվեդիան: Լավագույն հնգյակում են հայտնվել իսրայելական 2 կազմակերպություն, իսկ լավագույն տասնյակում տեղ են գտել 4 բրիտանական կազմակերպություն:

Վարկանիշային ցանկը ըստ ոլորտների

Ծրագրին մասնակցած կազմակերպությունների 52% ծրագրային ապահովման ոլորտի կազմակերպություններ են, որին հաջորդում են ԶԼՄ ոլորտի կազմակերպությունները՝ 18%: Ցանկը եզրափակում են Հաղորդակցության ոլորտի կազմակերպությունները /10%/, Համակարգչային տեխնիկա արտադրող կազմակերպությունները /10%/, կենսագիտության ոլորտի կազմակերպությունները /6%/ և Էկոլոգիապես մաքուր տեխլոգիաներ արտադրող կազմակերպությունները /4%/:

Իրենց ոլորտի առաջատար կազմակերպություններն են՝

Դելոյթի «Technology Fast 500™ EMEA» ծրագրի մասին

Դելույթի «Technology Fast 500 EMEA» ծրագիրը տարածաշրջանի ամենաօբյեկտիվ  վարկանիշային ցանկն է Եվրոպայի, Մերձավոր Արևելքի և Աֆրիկայի երկրների համար, և ներկայացնում է բարձր տեխնոլոգիաների ոլորտում գործող կազմակերպությունների, որոնք նախորդ չորս տարիների ընթացքում գրանցել են եկամտի աճի ամենաբարձր ցուցանիշները : Այս ցանկում ներկայացված են տարաբնույթ կազմակերպություններ /մեծ, փոքր, պետական, մասնավոր/ ծրագրային ապահովման, տեխնիկական սպասարկման, հաղորդակցության, ԶԼՄ, բժշակենսաբանական գիտությունների և էկոլոգիապես մաքուր տեխնոլոգիաների ոլորտներից: Բոլոր այս կազմակերպություններին միավորում է նորարարական տեխնոլոգիաների օգտագործումը, գործունեության ակտիվությունը և աճի տեմպերը:

Այս ծրագիրը իրականացվում է Դելոյթի տեխնոլոգիաների, ԶԼՄ և հաղորդակցության ոլորտի կազմակերպությունների սպասարկումն իրականացնող Միջազգային խմբի կողմից «Technology Fast 50» նախաձեռնության աջակցությամբ, որոնք դասակարգում են բարձր տեխնոլոգիաների ոլորտում գործող արագ զարգացող կազմակերպություններին ըստ տարածաշրջանի կամ աշխարհագրական դիրքի:  Հովանավորներից են վենչուրային կապիտալի ներդրող Eight Roads ընկերությունը , որն աջակցում է Եվրոպայի երկրների ՏՏ և էկոլոգիապես մաքուր տեխնոլոգիաների ոլորտում գործող կազմակերպություններին, Silicon Valley Bank-ը, որն աջակցում է բարձր տեխնոլոգիաների, կենսագիտության, մասնավոր կապիտալի և գինեգործության ոլորտում գործող կազմակերպություններին, ինչպես  նաև առաջատար միջազգային իրավաբանական  Taylor Wessing ընկերությունը, որի ուշադրության կենտրոնում են գտնվում ապագայի տեխնոլոգիաները: Այս ծրագրի և նախորդ տարիների հաղթողների մասին ավելի մանրամասն տեղեկություն կարող եք ստանալ www.deloitte.com/fast500emea կայքից: