Fjárhagslegar rannsóknir (e. Forensic)

Sérfræðingar Deloitte geta aðstoðað við fjárhagslegar rannsóknir, til að mynda í tengslum við ágreiningsmál eða möguleg yfirvofandi málaferli. Með fjárhagslegum rannsóknum getum við einnig aðstoðað viðskiptavini við að bera kennsl á hugsanlega áhættu, s.s í tengsum við reglufylgni eða mótaðila í viðskiptum, og þannig aðstoðað fyrirtæki við að verja ímynd vörumerkis og orðspor sitt.

Fjárhagslegar rannsóknir

Sérfræðingar Deloitte veita ráðgjöf séu til staðar grunsemdir eða ásakanir um fjármuna- og efnahagsbrot. Þjónusta okkar getur m.a. falist í að:

• Greina og yfirfara bæði rafræn og áþreifanleg gögn
• Greina flókin viðskipti og bókhald fyrirtækisins til að bera kennsl á mynstur eða önnur merki um grunsamleg eða óvenjuleg viðskipti
• Mat á heildarumfangi atvika og hugsanlegu fjárhagslegu tapi
• Gera bakgrunnsathuganir á einstaklingum og fyrirtækjum
• Bera kennsl á glötuð verðmæti

Tæknilausnir við fjárhagslegar rannsóknir

Deloitte býr yfir tæknilausnum í fremstu röð til að greina yfirgripsmikil og flókin gagnasett. Þetta gerir viðskiptavinum okkar kleift að safna saman og greina upplýsingar á skilvirkan hátt og nýta til dæmis í tengslum við innri rannsóknir, réttarágreining, í dómsmálum og fleira.

• Sérfræðingar okkar bera kennsl á viðeigandi gagnagrunna, rekja stafræn fótspor í tölvum, á netþjónum, farsímum og öðrum gagnagrunnum.
• Við vinnum með óformuð og formuð gögn (e. unstructured and stuctured data) frá mismunandi gagnagrunnum t.a.m. ERP-kerfum, tölvupósti, smáskilaboðum, netspjalli, hljóðupptökum, farsímum, samfélagsmiðlum og skýjalausnum

Úrlausn ágreiningsmála (e. Dispute Services)

Sérfræðingar Deloitte geta veitt aðstoð í hvers konar ágreiningsmálum aðila og hjálpað viðskiptavinum að finna bestu lausnina á þeim. Verði ekki leyst úr ágreiningsmálum, t.d. milli samstarfsaðila, samkeppnisaðila eða hluthafa, getur það leitt til málaferla eða skaðandi dómsmála.

Þjónusta okkar getur m.a. falist í aðstoð í tengslum við:

• Gerðardóm og dómsmál: þar með talið sérfræðiálit, vitnisburð, samningaviðræður, endurskoðun og mat á fjárhagslegum tengslum
• Álitsgjöf og mat: þar með talið greining á þeim verðmætum og/eða atriðum sem ágreiningur er um  
• Eftirfylgni samninga: þar með talið að fara yfir samningsskilmála til að tryggja að þeim sé fylgt, til dæmis hvað varðar leyfisveitingar og greiðslu fyrir afnot af höfundarrétti
• Skaðabótamál: þar með talið að yfirfara og staðfesta fjárhagslegt uppgjör, skaðabætur, tapaðar tekjur o.fl.

Áreiðanleikakönnun á heilindum (e. Integrity Due Diligence, IDD)

Sérfræðingar Deloitte geta aðstoðað við að meta mótaðilaáhættu (e. third-party integrity risk), til að mynda gagnvart söluaðila, dreifingaraðila, umboðsaðila eða öðrum samstarfsaðilum. Að sama skapi getum við aðstoðað við mat á áhættu og viðskiptaháttum mótaðila í samruna- og yfirtökuferli.

Umfang áreiðanleikakönnunar er ávallt hægt að sníða í samræmi áætlaða áhættu þess sem í hlut á hverju sinni. Við getum til að mynda kannað eftirfarandi:

• Almennar upplýsingar um fyrirtæki og orðspor þess
• Bakgrunn lykilstjórnenda fyrirtækisins, árangur í starfi og faglegt orðspor
• Viðskiptasögu og starfsemi fyrirtækisins Raunverulegt eignarhald fyrirtækis (þ.m.t. merki um eignarhald ríkisins eða dulda eigendur)
• Hugsanleg stjórnmálaleg tengsl (e. politically exposed person) fyrirtækis eða stjórnenda
• Reglufylgni fyrirtækisins við viðeigandi löggjöf í tengslum við efnahagsbrot
• Hugsanleg þátttaka fyrirtækis eða stjórnenda þess í málefnum eða ólögmætri starfsemi sem geta skaðað orðspor eða vörumerki

Ráðgjöf vegna efnahagsbrota

Sérfræðingar Deloitte geta aðstoðað við mat á áhættu, eftirfylgni með lögum og reglum og veitt ráðgjöf um aðgerðir gegn efnahagsbrotum.

• Aðgerðir gegn peningaþvætti og fjármögnun hryðjuverka
• Aðgerðir gegn sviksamlegri starfsemi
• Aðgerðir gegn spillingu og mútubrotum