Óháð yfirferð viðskiptaáætlana

Ýmsar ástæður geta legið að baki því að hagsmunaðilar vilji láta framkvæma óháða yfirferð á viðskiptaáætlunum, s.s. vegna fjármögnunar sprotafyrirtækja eða vegna fyrirtækja sem brotið hafa lánaskilmála og/eða eru í lausafjárvandræðum.

Viðskiptaáætlanir geta spilað lykilhlutverk við fjármögnun og því mikilvægt að sú áætlun sem kynnt er fyrir fjármögnunaraðilum sé traustvekjandi og forsendur hennar séu raunhæfar og í samræmi við það rekstrarumhverfi sem fyrirtækið starfar í.    

Viðskiptaáætlun sem hefur verið yfirfarin af óháðum aðila býr til grundvöll fyrir samningaviðræður og getur nýst stjórnendum í áframhaldandi starfsemi fyrirtækisins.

Hvernig getur Deloitte hjálpað?

Deloitte teflir fram reynslumiklum ráðgjöfum sem hafa aðstoðað við yfirferð og endurbætur viðskiptaáætlana fyrir fjölbreyttan hóp fyrirtækja úr margvíslegum atvinnugreinum.

Í yfirferðum okkar leitumst við m.a. við að:

• Skýra þær forsendur sem liggja til grundvallar viðskiptaáætlunum
• Setja forsendur viðskiptaáætlunar í samhengi við markaðsupplýsingar eins og við á
• Yfirfara forsendur með tilliti til raunhæfis og koma á framfæri athugasemdum til stjórnenda varðandi forsendur sem við teljum að geti verið óraunhæfar m.t.t. viðskiptaáætlunarinnar
• Greina helstu óvissuþætti í áætlunum og möguleg áhrif þeirra á afkomu