Vergi Məcəlləsinə dəyişikliklər

Azərbaycan Respublikasının Vergi Məcəlləsinə dəyişiklik edilməsi haqqında qanun dərc edilmişdir

Bildiririk ki, 28 dekabr 2023-cü il tarixində Azərbaycan Respublikasının Vergi Məcəlləsinə dəyişiklik edilməsi barəsində 5 dekabr 2023-cü il tarixli Qanun (“Qanun”) dərc edilmişdir. Qanun 2024-cü il yanvarın 1-dən qüvvəyə minib.
Bu buraxılışımızda Qanunda dərc edilmiş dəyişiklikləri nəzərinizə çatdırmaq istəyirik.

Yeni edilmiş dəyişikliklər riskli vergi ödəyicilərinin əmtəəsiz əməliyyatlara görə ödəməli olduqları maliyyə sanksiyaları, fiziki şəxslərin gəlir, habelə hüquqi şəxslərin mənfəət vergisinə tətbiq olunan güzəşt və azadolmaları, dividend ödənişləri üzrə ödəmə mənbəyindən tutulan vergi dərəcəsinin dəyişdirilməsi, mikrosahibkarlıq fəaliyyətində mövcud olan azadolmanın tətbiqi şərtlərinin genişləndirilməsi, əlavə dəyər vergisinə edilmiş dəyişikliklər və əlavələr, aksizli malların siyahı və dərəcə artımını və eləcə də bir sıra digər dəyişiklikləri əhatə edir. Bundan əlavə, Qanunda avans ödənişlər üçün elektron qaimə-fakturanın göndərilməsi nəzərdə tutulub.  

Qanuna edilmiş bütün dəyişikliklərlə sağdakı keçiddən yükləyərək tanış ola bilərsiniz.

Dəyişikliklərlə bağlı hər hansı sualınız yaranarsa, bizim Vergi və Hüquq komandasının peşəkar əməkdaşlarına müraciət edə bilərsiniz.

Deloitte Azərbaycan Vergi və Hüquq komandası