Signý Magnúsdóttir ráðin til Deloitte

​Signý Magnúsdóttir, löggiltur endurskoðandi, hefur störf hjá Deloitte sem einn af eigendum félagsins.

Undanfarin 2 ár hefur Signý starfað sem fjármálastjóri Sýnar, sem er eitt stærsta fjarskipta- og fjölmiðlafyrirtæki landsins og skráð á aðalmarkað NASDAQ, með rúmlega 500 starfsmenn.

Þar áður starfaði Signý hjá Deloitte, þar af sem eigandi frá árinu 2013. Þar sinnti hún einna helst endurskoðun og ráðgjöf á sviði reikningsskila fyrir meðalstór og stór fyrirtæki með áherslu á skráð fyrirtæki og fyrirtæki sem starfa í alþjóðlegu umhverfi. Auk þess var Signý yfirmaður reikningsskilaþjónustu Deloitte ásamt því að vera í forsvari fyrir líftækni- og heilbrigðishóp Deloitte.