İnformasiyanın İdarə edilməsi və Analitika

Dünyada gedən dəyişikliklər dinamik şəkildə baş verir. Belə mühitdə artıq hər bir müştəri fərdi yanaşma tələb edir. Bazarda rəqiblərin sayı artır. Dövlət orqanları, eləcə də tənzimləyici orqanlar hesabatların daha operativ və daha dəqiq təqdimatını tələb edir. Mürəkkəb biznes vəzifələrinin həlli müəssisəyə məxsus məlumatlarda gizlənə bilər. Böyük həcmli məlumatları başa düşən istifadəçilər daha üstün hesab olunur. Lakin hər 2 ildə məlumat həcminin iki qat artdığı bir cəmiyyətdə mövcud mövqeyi necə qorumaq olar? Deloitte-un Analitika və İnformasiyanın İdarə edilməsi (Aİİ) praktikası məlumatlarda gizlənən dəyərin üzə çıxarılmasında sizə yardımçı ola bilər. Qlobal şəbəkəmiz müxtəlif mənbələrdən əldə olunan informasiyanın idarə edilməsində və onların mühüm qərarları dəstəkləyən və rəqabət üstünlüyünü təmin edən dəqiq, faydalı məlumatlara çevrilməsində şirkətlərə yardımçı olmaq üçün strateji istiqamətləndirmə və yeni texnologiyaların tətbiqi ilə bağlı xidmətlər göstərir. Biz biznes-analitika, məlumatların idarə olunması, qabaqcıl texnologiyalar və böyük həcmli məlumatlar, bulud texnologiyası, maşın təlimatı daxil olmaqla, yeni nəsil analitik və texnoloji həllər sahəsindəki məsələlərə dair xidmətlər təklif edirik.