შიდა აუდიტის მომსახურება

დელოიტის წევრი ფირმების აუთსორსინგის პროექტები განმეორებადი ხასიათისაა და მოიცავს შიდა აუდიტის ყველა აქტივობის შესრულებას, მათ შორის: წლიური დაგეგმვა, წლიური გეგმის განხორციელება და ანგარიშგება ხელმძღვანელობისა და აუდიტის კომიტეტის წინაშე. აუთსორსინგის ფარგლებში კლიენტს შეიძლება ჰყავდეს ან არ ჰყავდეს აუდიტის დირექტორი ორგანიზაციაში.  

დელოიტის სპეციალისტების ნაწილობრივი ჩართულობით განხორციელებული მომსახურების პროექტები განმეორებადი ხასიათისაა და მოიცავს ორგანიზაციისთვის შიდა აუდიტის ფუნქციის ცალკეული სამუშაოების შესრულებას წლის განმავლობაში. 

საგნობრივი შემოწმების განხორციელების მიზნით დელოიტის ექსპერტების მოწვევა წარმოადგენს პროექტებს, როდესაც კლიენტს ესაჭიროება სპეციალისტი სპეციფიკური გამოცდილებითა და ცოდნით შიდა აუდიტის ცალკეული პროცედურების განხორციელების მიზნით. როგორც წესი, დელოიტის სპეციალისტები სრულად მართავენ პროექტს და ახორციელებნ მას კლიენტის ინტერესებიდან გამომდინარე. ასევე, შესაძლებელია დელოიტის ექსპერტის ჩართვა კლიენტის სამუშაო გუნდში შიდა აუდიტის აუცილებელი პროცედურების განხორციელებისთვის. 

შიდა აუდიტორების ინსტიტუტის საერთაშორისო სტანდარტები მოითხოვს კომპანიებისგან მათი შიდა აუდიტის განყოფილების ხარისხის კონტროლის განხორციელებას დამოუკიდებელი ექსპერტების მიერ სულ მცირე ხუთ წელიწადში ერთხელ. 

პერსონალის უზრუნველყოფის პროექტები ითვალისწინებს დელოიტის სპეციალისტების მუშაობას კლიენტის ხელმძღვანელობის ქვეშ დელოიტის წარმომადგენლების მხრიდან კლიენტის სამუშაო დოკუმენტებისა და სამუშაო შედეგების შემოწმებისა და კონტროლის გარეშე. 

შიდა აუდიტის ფუნქციის ტრანსფორმაციის პროექტები მიმართულია შიდა აუდიტის ფუნქციების გაუმჯობესებაზე კომპანიის ეფექტურობისა და სარგებლის გაზრდის მიზნით. განსაკუთრებული ყურადღება ეთმობა მეთოდოლოგიას, ჯგუფურ მუშაობას, საინფორმაციო ტექნოლოგიების გამოყენებას და ანგარიშგების მომზადებას შიდა აუდიტის პროცედურების გატარების კუთხით. აღნიშნული მომსახურებები შესაძლოა მოთხოვნილი იქნას შიდა აუდიტის დირექტორების, ხელმძღვანელობის ან დირექტორთა საბჭოს აუდიტორული კომიტეტის მიერ.  

შიდა აუდიტის დარგში საკონსულტაციო მომსახურების პროექტები ეხმარება ორგანიზაციებს შიდა აუდიტის შემოწმებების ჩატარებაში იმ სფეროებში, რომლებსაც არ მოიცავს ზემოთ ჩამოთვლილი მომსახურებები. ამ სფეროს მომსახურებები შეიძლება მოიცავდეს, მაგალითად, ზოგად კონსულტაციასა და თანამშრომლების მომზადებას.

დაბრუნება - რისკები